FULLFERMI AF HUGMYNDUM

Hönnunar- og auglýsingastofan TVIST var sjósett á Grandanum sumarið 2016 eftir að Síminn gaf okkur byr í seglin — og upp frá því hafa fleiri góðir viðskiptavinir slegist í för, líkt og sjá má hér að neðan.

Allt frá sjósetningu höfum við lagt alúð á að ná árangri en gleyma aldrei gleðinni. Við trúum á mikilvægi þess að hlúa að hæfileikum, að stemning geri kraftaverk og að „af því bara“ sé aldrei rétta svarið. Það er húsregla að brjóta mál til mergjar áður en ráðist er í að töfra fram skemmtilegheit, sama hvers eðlis áskorunin er.

Haustið 2018 komum við okkur upp nýrri heimahöfn í Þórunnartúni með enn fegurra útsýni en áður og góðum anda. Það væsir ekki um okkur þar enda heldur sóknin í átt að meiri árangri, meiri gleði og meiri töfrum áfram — og það á fullu stími.