Neyðarkall til þín

Straumvatnsbjörgunarmaður bættist í vaskan hóp neyðarkalla árið 2025.

Sala á Neyðarkallinum er árviss viðburður og fer fram fyrstu helgina í nóvember. Neyðarkallinn er mikilvæg fjáröflun fyrir björgunarsveitirnar og stendur undir tækjakaupum og rekstarkostnaði. Neyðarkall ársins 2025 var straumvatnsbjörgunarmaður. Með því vildi Landsbjörg heiðra minningu Sigurðar Kristófers McQuillan Óskarssonar sem lést við æfingar á straumvatnsbjörgun í Brúará árið 2024.

LAN Neyðarkall 2025

Íslendingar svöruðu kallinu og keyptu Neyðarkalla í tugþúsundatali

Skilmálar

Persónuvernd

Framúrskarandi fyrirtæki 2025

Framúrskarandi fyrirtæki eru af öllum stærðum og gerðum - en það er eitt sem þau eiga sameiginlegt: Þau eru með heilbrigðan rekstur sem stuðlar að bættu viðskiptaumhverfi á Íslandi.

Síðan 2010 hefur Creditinfo unnið ítarlegar greiningar á rekstri íslenskra fyrirtækja birt lista yfir þau fyrirtæki sem eru Framúrskarandi. Til að teljast sem Framúrskarandi fyrirtæki þarf að uppfylla ströng skilyrði Creditinfo um rekstrartölur, skuldastöðu og stjórnarhætti. Aðeins um 2% íslenskra fyrirtækja uppfylla skilyrði Creditinfo.  

CRE_Simi_Video

Í auglýsingaefninu voru dregin fram þekkt orðatiltæki og frasa til að sýna fram þá fjölbreyttu geira atvinnulífsins sem Framúrskarandi fyrirtæki starfa í á Íslandi. Efnið var myndskreytt með einföldum og líflegum teikningum sem passaði vel inn í rauða ásýnd Creditinfo.

CRE_Vefbordar_Video

50 fyrirtæki á Íslandi hafa verið Framúrskarandi frá upphafi, og fengið viðurkenninguna 2010-2025. 

Hápunktur herferðarinnar er viðburður þar sem Framúrskarandi fyrirtæki fagna árangrinum og fá veittar viðurkenningar. Rauði liturinn og markaðsefnið var ráðandi í Laugardalshöllinni.

Styrktarfélag lamaðra og fatlaðra tók upp nýtt nafn og nýja ásýnd sem nær betur utan um núverandi starfsemi og gildi félagsins. Meginmarkmið félagsins er að efla þátttöku barna og ungmenna með fjölbreyttar áskoranir og stuðningsþarfir. 

Tækifæri í stað takmarkana

Styrktarfélag lamaðra og fatlaðra heitir í dag Gló stuðningsfélag. Samhliða nýju nafni hefur einnig verið gefið út nýtt myndmerki og ný ásýnd sem ætlað er að ná betur utan um núverandi starfsemi og gildi félagsins.

Styrktarfélag lamaðra og fatlaðra var upphaflega stofnað árið 1952 í kjölfar þess að lömunarveiki hafði lagst af fullum þunga á fjölmörg börn og ungmenni á Íslandi. Sjúkdómurinn hafði veruleg áhrif á hreyfifærni og starfsorku, en á þeim tíma voru lítil úrræði til staðar þegar kom að endurhæfingu og hjálpartæki fyrir fatlað fólk voru af skornum skammti.

Í gegnum áratugina hefur samfélagið breyst og starfsemi félagsins hefur þróast samhliða því. Nýju nafni og nýrri ásýnd er ætlað að ná betur utan um núverandi starfsemi félagsins og breyttar hugmyndir um fötlun.

Fyrir_Eftir_test_Glo

Markhópur vörumerkisins eru börn og ungmenni með fötlun og fjölskyldur þeirra. 

Nýja vörumerkinu er ætlað að höfða betur til markhópsins. Það er einfalt, vinalegt, hlýlegt, skemmtilegt og valdeflandi. 

Myndmerki Gló er í líflegum fígúruformum sem vísar í stuðning, hreyfingu, umhyggju og gleði.

Í vörumerkinu er mikill fjöldi fallegra stuðningslita. Búbblurnar eru einkennandi form sem nýtist sem grafík í myndskreytingar. Búbblurnar eru mismunandi í laginu, sem er tilvísun í það að við erum ekki öll steypt í sama mót. 

Við erum Gló

Markmið Gló er skýrt: Að börn og ungmenni fái tækifæri til að láta ljós sitt skína. Gló styður við tækifæri barna og ungmenna til að eiga aðild að tómstundum og menningu, lifa öruggu og heilbrigðu lífi og rækta sjálfsmynd sína, hæfileika og færni. Félagið starfrækir meðal annars snemmtæka íhlutun og endurhæfingarþjónustu á Æfingastöðinni og býður upp á sumarbúðir og margvísleg tómstundatækifæri á vegum Reykjadals.

Enn fremur vinnur félagið að því að efla skapa og miðla margvíslegri þekkingu og þjónustu sem styður við tækifæri í stað takmarkana.

Neyðarkall til landsmanna

Íslendingar svöruðu kallinu og keyptu Neyðarkalla í tugþúsundatali

Önnur verkefni

Hefur þú áhuga á samstarfi?