Óblíðar móttökur fyrir óboðna gesti
Lóan er komin til landsins og lúsmýið er mætt í íslensk sumarbústaðarhverfi
hugmyndavinna
framleiðsla
textasmíði
Sala á skordýra- og flugnafælum á sér aðallega stað yfir sumartímann og það er mikil samkeppni milli ýmissa vörumerkja í þessum vöruflokki. Mygga skapaði sér sérstöðu með hressandi markaðsefni.
Herferðin gekk út á vitnisburði þar sem íslenskt lúsmý sagði frá dapurlegri reynslu af hinni öflugu Mygga vörn. Vefborðar og auglýsingaskilti sýndu íslenska lúsmýið gefa Mygga afleita dóma og sýna þannig fælingarmátt fælunnar bragðvondu í skemmtilegu ljósi. Útlit á efninu var innblásið á vinsælum ferðavefum á borð við Tripadvisor og booking.com
Lúsmý hefur litla lyst á Mygga
Í útvarpsauglýsingum herferðarinnar hittum við íslenska lúsmýið fyrir í sumarbústaðarferð. Lúsmýið er að „fá sér“ og hringir í hinn eina sanna Sigga Hlö til að kvarta yfir óblíðum móttökum í Mygga-smurðum bústað. Við gerð útvarpsauglýsinganna voru notaðar raunverulegar upptökur af saumaklúbbum sem hringt höfðu inn til Sigga Hlö í gegnum tíðina.
