reel-stytt-ekki-logo-tvist-heimasida_ILYs6Lg2.mp4

Hjá Tvist stuðlum við að vexti vörumerkja og styrkjum samband þeirra við viðskiptavini sína. Með hönnun, hugmyndir, skýra hugsun og sköpunargleði að leiðarljósi finnum við rétta farveginn fyrir þitt vörumerki.

Íslenska úrgangsfjallið Umhverfisstofnun 

Hjá vörumerkjastofunni Tvist starfa sérfræðingar í auglýsingum, hönnun, stefnumótun, birtingum og almannatengslum. Við leggjum okkur fram um að skilja þarfir og uppfylla væntingar fyrir vörumerki viðskiptavina.

Yfirskrift Bleiku slaufunnar 2024 er „Þú breytir öllu”. Það vísar til þess hve stuðningur aðstandenda og samfélagsins alls er mikilvægur í baráttunni við krabbamein.

Þú breytir öllu

Reykjavík Pride vagninn fór í drag í tilefni Hinsegin daga 2024. Strætó fékk aðstoð frá rjóma íslensku dragsenunnar til að myndgera vagninn í ár með glamúr, fjöðrum og gordjöss klæðnaði.

Stolt er styrkur

Afmælisútlit Terra

Háskólinn á Akureyri vildi móta markaðs- og auglýsingaefni sem myndi samræmast heildstæðri hugsun fyrir allar deildir háskólans.

Velkomin í HA

Skagi er nýtt og öflugt fyrirtæki á fjármálamarkaði, en í samstæðu Skaga eru VÍS, Fossar og SIV eignastýring.

Nýtt afl á fjármálamarkaði

Gæðamat háskóla hefur allt frá árinu 2010 sinnt óháðu ytra gæðamati íslenskra háskóla með það að leiðarljósi að efla gæði og stuðla að stöðugum umbótum í háskólakerfinu á Íslandi.   

Umbætur í háskólakerfinu

Sumarherferð Orkunnar

Lóan er komin til landsins og lúsmýið er komið í íslenska sumarbústaði. 

Vörn sem virkar

Framkvæmdir við nýtt Hlemmtorg eru hafnar og það hefur mikil áhrif á akstur Strætó. Breyta þurfti þeim leiðum sem áður óku um Hlemm og nýjar endastöðvar voru kynntar til leiks.

Bless, Hlemmur

Á hverju ári aðstoða björgunarsveitir Landsbjargar fjöldan allan af erlendu ferðfólki. Kostnaður við starfsemi björgunarsveitanna hefur vaxið í takt við aukna umferð ferðafólks um hálendið og gosstöðvar. Hingað til hafa ferðalangar átt erfitt með að styrkja Landsbjörg á sama hátt og við Íslendingar gerum með kaupum á Neyðarkallinum og flugeldum.

Root for Safety

Slaufan í ár var bleikari en nokkru sinni áður svo ákveðið var að leyfa bleika litnum að leika aðalhlutverkið í ár.

Verum bleik fyrir okkur öll

Það fer ekki framhjá neinum að baráttu hinsegin fólks fyrir sjálfsögðum mannréttindum er hverri nærri lokið. Mörgum líður eins og það sé komið bakslag og að fordómar sem ættu að heyra sögunni til spíruðu víðs vegar í samfélaginu.

Hinsegin vagninn 2023

Í þessum meistarkúrs deilir strætónotandinn og skemmtikrafturinn Vilhelm Neto öllu sem þátttakendur þurfa að vita til að „mastera” Strætó á höfuðborgarsvæðinu.

Strætómeistarinn

Lekandasmitum hefur fjölgað gífurlega síðustu ár og ungt fólk virðist ekki meðvitað um alvarleika þess ef smit er ekki meðhöndlað.

Trúnó með Ástráði

Við náum lengra saman

Hópefli er náttúrafl sem var upplagt að virkja til að koma karlmönnum á hreyfingu.

Kallaútkall Mottumars

Lenovo er leiðandi á PC hluta markaðarins á Íslandi og markmiðið var að framleiða auglýsingar og markaðsefni sem höfðar til nema í framhaldsskólum og háskólum.

Haustlína Origo

Origo lét sig ekki vanta á UT messunni 2024. Í stað hefðbundins sýningarbáss til að kynna vörur Origo, þá var plássið nýtt til að skapa upplifun fyrir gesti messunnar.

Origo á UT messunni

Það er fátt sem sýnir væntumþykju eins vel og heimagerðar jólagjafir. Við fylgjumst með konu panta allt sem hún þarf til að föndra skemmtilegustu jólapeysur allra tíma. Hún notar svo þjónustu Póstsins til að senda peysurnar til barnanna sinna í jólagjöf. Með þeirri sögu vildum við koma að þjónustuleiðum Póstsins og sýna fram á að hver sem er getur notfært sér þær.

Dreifum jólagleðinni

Margir telja að heibrigðiskerfin á Íslandi og í þeim löndum sem við berum okkur saman við geti ekki vaxið áfram í óbreyttri mynd. Í þessu krefjandi umhverfi starfar Helix, sem er nýtt fyrirtækin utan um heilbrigðislausnir Origo. Útlit og nafn fyrirtækisins er innblásið af einni merkustu uppgötvun læknavísindanna, hinum tvöfalda Helix gormi kjarnsýrusameindarinnar (DNA). Nafnið er þjált og alþjóðlegt.

Helix - Mörkun

Matvælaþing er vettvangur fyrir samræðu milli neytenda, stjórnvalda og framleiðenda um matvæli í hringrásarhagkerfinu. Hafa þurfti í huga að markaðsefni og stuðningsefni mynda virka bæði á viðburðinum sjálfum og í beinu streymi.

Matvælaþing '23

Neyðarkall Landsbjargar 2023 er aðgerðarstjórnandi, en þeir spila stórt hlutverk í skipulagningu og samhæfingu viðbragðsaðila í björgunaraðgerðum og öðrum verkefnum björgunarsveitanna. Framleitt var auglýsingaefni til þess að minna Íslending á sölu Neyðarkallsins dagana 2. - 6. nóvember. Sjálfboðaliðar björgunarsveitanna sinna útköllum í fárviðri, frosthörkum og jarðhræringum allan ársins hring. Í auglýsingaefninu vildum við sýna þessar erfiðu aðstæður á líflegan og áberandi hátt til þess að minna landsmenn á mikilvægi átaksins og að styrkja Landsbjörg.

Neyðarkall til þín

Geðhjálp stóð fyrir átaki í októbermánuði þar sem við fengum innsýn í bágt ástand geðheilbrigðismála á Íslandi.

Setjum geðheilsu í forgang

Frískað var upp á liti, leturgerðir og myndheim í endurskoðun á vörumerki Umhverfisstofnunar. Grunnlitir voru aðlagaðir að stafrænu umhverfi og stuðningslitum sem nýtast í skýrslur, gröf og annað útgefið efni var bætt við. Öll þessi grafísku tól styðja Umhverfisstofnun í hlutverki sínu; að þjónusta fólk og náttúru í þágu umhverfisverndar.

Umhverfisstofnun - Endurmorkun

Framúrskarandi fyrirtæki eru af öllum stærðum og gerðum, en það sem þau eiga öll sameiginlegt eru vönduð vinnubrögð og fagmennska. Þau stuðla að bættu viðskiptaumhverfi á Íslandi, þau skulda ekki of mikið og skila ársreikningi á réttum tíma.

Framúrskarandi fyrirtæki '23

Stór breyting varð á Holtagörðum við opnun á stærstu “outletum” landsins. Endurvekja þurfti vörumerki Holtagarðar og skapa aukna vitund um verslunarkjarnann.

Nýir tímar í Holtagörðum

Hverjum pakka Póstsins fylgir lítil saga. Það er svo gaman að gleðja. Góður pakki og ein lítil kveðja. Við vildum kalla fram þessa góðu tilfinningu í nýja myndefninu og með slagorðinu „Dreifum gleðinni“ í nýrri ímyndarherferð Póstsins!

Dreifum gleðinni

Sveitarfélögin á Suðurnesjum vildu upplýsa nýja íbúa um helstu þjónustu og afþreyingu á svæðinu, með áherslu á Suðurnesjafólk af erlendum uppruna. Myndstíll, fyrirsagnaletur og grafík eru í mjúkum tónum og vinalegum blæ. Raddblær verkefnisins er einfaldur og þjónustulundaður og auðlesið mál er notað í öllum skilaboðum.

Velkomin til Suðurnesja

Við uppfærðum vörumerki ISNIC með því að fríska upp á liti og leturgerðir. Í leiðinni útfærðum við firmamerkið þannig að það það væri meira lýsandi fyrir meginstarfsemi ISNIC sem er að sjá um skráningu léna undir landsléninu .is.

Knattspyrnukonur framtíðarinnar kepptu á TM mótinu í Eyjum dagana 15 - 17. júní. TM langaði til þess að byggja upp stemminguna í kringum mótið og færa hana yfir á Þjóðveg 1 milli Reykjavíkur og Vestmannaeyja. Við bjuggum til skemmtileg skilaboð sem stelpurnar og fjölskyldur þeirra myndu sjá á völdum auglýsingaskiltum leið sinni til Eyja.

Leiðin til eyja

Menntaskólinn í tónlist er skriðinn úr egginu eftir nokkur ár í hitakassa. Í tilefni af því var þörf á uppfæra ásýnd skólans og hugsa til lengri tíma. Útlitið var þróað með það í huga að rúma hið fjölbreytta starf skólans og geta verið einkennandi í öllum miðlum. Hönnunarkerfið er mátuleg blanda af skýrum reglum og frelsi til spuna.

Ný ásýnd MÍT

Umhverfisstofnun og samstarfsaðilar verkefnisins Allan hringinn héldu fjölmiðlaviðburð í Góða hirðinum til að kynna stórar breytingar í úrgangsmálum á Íslandi. TVIST sinnti hugmyndavinnu og almannatengslum í kringum viðburðinn og okkar markmið var að gera viðburðinn áhugaverðan og eftirminnilegan. Ísland er í sjöunda sæti yfir þær þjóðir innan Evrópu sem henda mestu magni af heimilisúrgangi á hverju ári eða að meðaltali um 667 kg á hvern Íslending. Í tilefni þess þá reistu Umhverfisstofnun og Sorpa “Íslenska úrgangsfjallið“, táknræna 667 kg. ruslahrúgu inn í Góða hirðinum. Með þessu vildum við sýna hve mikilvægt það er að endurnýta meira og urða minna.

Allan hringinn

Við unnum þetta fallega markaðsefni með Slysavarnarfélaginu Landsbjörgu í tilefni 10 ára afmælis Bakvarða félagsins. Allt efnið er mótað kringum þrjár áhrifaríkar sögur úr starfi sjálfboðaliða hjá björgunarsveitunum. Slagorðið Stuðningur úr öllum áttum vísar til þess að Bakverðir Landsbjargar koma úr öllum landshornum, eru á öllum aldri og úr öllum stéttum samfélagsins. Öll eiga þau sameiginlegt að vilja standa við bakið á öflugu björgunar- og slysavarnastarfi á landinu.

Stuðningur úr öllum áttum

Mottumars Krabbameinsfélagsins er ein mest áberandi árverkni- og fjáröflunarherferð hvers árs og sannur heiður að fá að taka við þessum farandbikar auglýsingabransans. Í ár var lögð áhersla á útbreidda frestunaráráttu karlmanna undir yfirskriftinni: „Ekki humma fram af þér heilsuna.” Fyrir því var rík ástæða enda hafa nýlegar rannsóknir leitt í ljós að 50% íslenskra karla sem greindust með krabbamein höfðu fundið fyrir einkennum í þrjá mánuði eða lengur, áður en þeir leituðu til læknis. Þar af biðu 14% í meira en ár! Þessu þarf að breyta því líkur á bata eru meiri eftir því hversu snemma krabbamein greinist. Við lögðum áherslu á að hafa markaðsefni ferskt og skemmtilegt, en og halda í þann hressa anda Mottumars sem herferðir síðustu ára hafa skapað. Með samstilltu átaki fjölda samstarfsaðila og með gleðina að vopni varð til grátbrosleg auglýsing sem náði talsverðu flugi og markaðsherferð þar sem skúrað var út í öll horn. Sokkar seldust í bílförmum, áheit slógu öll met og Krabbameinsfélagið getur haldið áfram sínu góða starfi fyrir málefni sem snertir okkur öll.

Ekki humma fram af þér heilsuna

Við fengum það skemmtilega verkefni að uppfæra merki Snæfellsjökuls þjóðgarðar. Markmið okkar var að gera merki þjóðgarðsins þægilegra í notkun í smáu prenti og á stafrænum miðlum. Við héldum í jökulinn og kríuna sem voru til staðar í gamla merkinu, en í stað þess að hafa þau aðskilin, þá splæstum við formunum þeirra saman. Græni liturinn er einnig enn til staðar en þeir eru aðeins ljósari og ferskari í nýju útgáfunni.

Snæfellsjökuls Þjóðgarður

Við aðstoðuðum Matvælaráðuneytið við hönnun á markaðsefni fyrir fyrsta Matvælaþingið sem haldið hefur verið á Íslandi. Myndheimurinn var einfaldur, fallegur og studdi vel við umræður þingsins.

Matvælaþing '22

Eins og jólin, þá er Pósturinn um allt land. Þessu vildum við koma því til skila með sætri jólaauglýsingu sem tekur sig ekki of hátíðlega. Það skiptir engu hvernig viðrar eða hvar þú átt heima, pakkar Póstsins eru staðráðnir í að koma sér á áfangastað og undir jólatréð. Slagorð auglýsingarinnar er hátíðarblanda úr einkennislit póstsins og helsta áhyggjuefni veðurfræðinga í kringum jólin: Gleðileg rauð jól frá Póstinum.

Rauð jól

Það eru að koma jól og unga Elko fjölskyldan er að leita að réttu jólagjöfunum til að setja undir jólatréð. Elko aðstoðar þau við valið, en það er í höndum fjölskyldumeðlimanna að halda gjöfunum leyndum frá hvoru öðru. TVIST vann þessa gleðilegu jólaherferð með markaðsdeild Elko, leikstjóranum Hannesi Halldórssyni og úrvals framleiðsluteymi.

Við hjálpum þér

Léttleiki og sveigjanleiki eru allsráðandi í þessum gullfallegu auglýsingum sem við framleiddum fyrir Léttkort sem er fáanlegt í Síminn Pay appinu. Flæðandi hreyfingar dansaranna og mjúka litapallettan gerir myndefnið dáleiðandi fyrir áhorfandann.

Hæ Léttkort. Hæ sveigjanleiki

Þjóðfélagið er fullt af áhrifavöldum, stjörnulæknum, stjörnulögfræðingum og stjórnmálafólki, en hverjar eru hinar stjörnur atvinnulífsins? Lítil og meðalstór fyrirtæki gegna mikilvægu hlutverki í íslensku atvinnulífi og markmiðið var að draga þau í sviðsljósið. Okkar hugmynd var að fá fjölbreytt úrval fulltrúa frá litlum og meðalstórum fyrirtækjum í glamúrmyndatöku, eins og alvöru stjörnum sæmir. Rauði litur Íslandsbanka var áberandi í myndefninu til að tengja það við sterkt vörumerki bankans. Fyrirsögnin “Þitt fyrirtæki í aðalhlutverki” undirstrikar þá þjónustu sem Íslandsbanki veitir fyrirtækjum. Íslandsbanki hefur reynslu, réttu lausnirnar og ástríðu fyrir því að íslensk fyrirtæki eigi stórleik á sviði atvinnulífsins. Myndir: Ari Magg

Þitt fyrirtæki í aðalhlutverki

Þú finnur þekkingu, fagmennsku og einvala lið á lista Rafiðnaðarsambandsins. Í nýrri herferð fyrir Rafís minntum við fólk á mikilvægi þess að fá fagfólk í verkið. Með réttum tengingum myndast nefnilega mesta stuðið!

Sveinalistinn

Ekki kaupa tryggingar í dag! Við hjálpuðum TM að hrista upp í tryggingamarkaðnum með teaser herferð og tilboði á tryggingum á Cyber Monday. Herferðin fór í loftið með látum og vakti athygli.

Cyber Monday tryggingar

Það skiptir máli að vera með réttar upplýsingar í viðskiptum. Creditinfo býr yfir stærsta gagnagrunni fyrirtækjaupplýsinga á Íslandi. Það getur komið sér vel þegar meta á væntanlega viðskiptavini. Nýtt markaðsefni leggur áherslu á þjónustuþætti þeirra með skýrum og ferskum hætti.

Myndheimur Creditinfo

Nýtt útlit Fossa lítur um öxl í leit af formum sem standast tímans tönn en njóta sín í stafrænu umhverfi nútíma bankastarfsemi. Innblásin af prentverki gamalla peningaseðla og útliti húsa í aldamótastíl vildum við fanga íslenskar rætur og óbilandi metnað vaxandi fjármálafyrirtækis.

Fossar fjárfestingarbanki

Bestu vinir TVIST eru mættir aftur og nú í jakkafötum! Ný herferð fyrir fyrirtækjalausnir Símans kom í loftið í vetur og hvuttarnir okkar tóku sig líka svona agalega vel út, vel greiddir og klæddir fyrir skrifstofuna.

Fyrirtækjapakkar Símans

TVIST fagnaði 5 ára afmæli í árið 2021 og af því tilefni fengum við fagmennina hjá RVK Brewing til að brugga fyrir okkur bjór með almennilegu tvisti. Snúningur er bjór með notalega nærveru og sveiflu í mjöðmunum, sítrónugras og chili ganga í eina svalandi sæng. Skál í boðinu!

Snúningur

Þema Hinsegindaganna í ár var Fegurð í frelsi og því fékk einn heppinn Strætó viðeigandi upplyftingu. Vagninn var skreyttur fuglum í fánalitum ýmissa hópa hinsegin samfélagsins sem einnig tákna frelsi og ferðalag hinsegin baráttunnar. Til hamingju öll með yndislega hátíð!

Fegurð í frelsi

Góð raftæki eru gerð til þess að einfalda líf okkar og Elko er til þjónustu reiðubúið til þess aðstoða viðskiptavini sína. Í þessari hugljúfu herferð þá sjáum við dæmi um þá persónulegu þjónustu og þau fjölbreyttu raftæki sem eru í boði hjá Elko til þess að auðvelda líf ungra foreldra.

Það sem skiptir þig máli

Komdu með í aðra strætóferð um söguheima Storytel. Í þetta sinn getur þú fengið far með krakkastrætó, hrollvekjuvagninum eða ástarfleyinu. Og hver veit nema þú fáir að prófa Storytel frítt í 30 daga.

Engin leið að leiðast II

Þrátt fyrir að netglæpir séu vaxandi vandi og valdi fyrirtækjum umtalsverðu tjóni eru furðu margir sofandi á verðinum. TM vildi bæði kynna glænýja netöryggistryggingu og vekja fólk til vitundar um umfang og alvarleika netglæpa með tengingu við drykk sem þekktur er fyrir að vekja mann.

Vertu vakandi

Hver kannast ekki við gjafabolla eins og „Heimsins besta amma” og „Besti pabbi í heimi?” Við sóttum innblástur í þá skemmtilegu hefð í herferð fyrir Unicef sem bar heitið, Heimsins bestu foreldrar. Heimsforeldrar Unicef eru jú raunverulega bestu foreldrar í heimi því þeir bæta lífskjör barna um allan heim.

Heimsins bestu foreldrar

Unaður er allskonar og því ber að fagna. Ný herferð fyrir Blush er farin í loftið þar sem við leyfðum öllu því mannlega sem við kemur unaði að njóta sín. Við erum ótrúlega stolt af þessu fallega samstarfi milli viðskiptavina og starfsfólks Blush, ljósmyndarans Sögu Sig og okkar á Tvist.

Minn unaður

Sumarherferð Krónunnar í ár fór í loftið með vinalegri áminningu; það má leika sér að matnum. Kunnuglegir leikir úr barnæsku minna okkur á að taka lífinu ekki of alvarlega og leyfa leikgleðinni að leiða okkur áfram í eldhúsinu.

Það má leika sér að matnum

Með tilkomu Klapp greiðslukerfisins, þá opnuðust fleiri möguleikar fyrir nemendur til að kaupa tímabilskort í Strætó. Við aðlöguðum myndheim Klapp greiðslukerfisins að stórhuga stúdentum sem stunda nám í háskólum höfuðborgarsvæðisins.

Nemaherferð Klappsins

Til að slá botninn í netöryggismánuðinn þá vildi TM vekja athygli á netöryggistryggingu sinni með því að „hakka“ valin auglýsingaskilti á höfuðborgarsvæðinu.

Hrekkjavökuhakkarinn

Í nýjustu sumarherferð Símans var voffunum aldeilis hleypt út að leika. Rúllandi um á hjólabretti, fljúgandi um háloftin í fallhlíf og einbeittir í æsispennandi borðtennisleik. Endalaus gleði og hæfilega mikil vitleysa eins og Símavoffunum er einum lagið.

Endalaus sumargleði

Enn og aftur fór Síminn í hundana og nú á ógnarhraða. Fyrir endalausan hraða með ljósleiðara fékk Síminn nettustu hunda landsins í lið með sér og fór á rúntinn um veraldarvefinn. Endalausar þakkir fara til Snark og Símans fyrir skemmtilegasta samstarfið.

Endalaus hraði

Sterkari út í lífið appið inniheldur fjölda æfinga tengdum núvitund, samkennd og slökun fyrir fólk á öllum aldri. Í hönnun appsins lögðum við áherslu á mjúkar línur og ljósa liti til að tryggja aðgengilegt og vinalegt viðmót. TVIST er stoltur samstarfsaðili verkefnisins Sterkari út í lífið en markmið þess er að auka aðgengi foreldra að efni sem styrkir sjálfsmynd barna og unglinga.

Sterkari út í lífið - Appið

Það getur verið flókið að fjármagna draumabílinn. Við réðumst í það með Lykli að gera ferlið eins skýrt og aðgengilegt og hægt er með nýrri heimasíðu. Ný ásýnd og notendavænt viðmót hjálpar Lykli að leiða saman vélar og venjulegt fólk með stóra drauma.

Nýr vefur Lykils

Meira þakkæti, meira sjálfsöryggi. Við héldum áfram að þakka okkur sjálfum í uppfærðri sparnaðarherferð fyrir Íslandsbanka. Það er nefnilega aldrei hægt að þakka sjálfum sér of mikið fyrir sparnaðinn.

Takk, ég II

Í þáttunum „Hver drap Frikka Dór?” eru mörkin á milli raunveruleika og uppspuna verulega óljós. Söguhetjur þáttanna koma fram undir eigin nafni og ekki er ljóst hvort um heimildarmynd, spennu- eða gamanþátt er að ræða. Í PR hluta markaðsherferðar þáttanna var unnið með sömu bjögun á raunveruleikanum. Á samfélagsmiðlum og á götum úti hegðaði Villi Neto sér á sama undarlega hátt og í þáttununum um nokkurra vikna skeið og þótti sumum af aðstandendum hans hans nóg um. Heimagerð skilti, veggjakrot og falskar fréttir bættu við lagi af dulúð og Friðrik Dór spilaði sitt hlutverk með því að láta ekki ná í sig.

Hver drap Friðrik Dór?

Strætó tók skref inn í framtíðina árið 2021 með nýju greiðslukerfi. Klappið gaf tækifæri til að stækka myndheim Strætó og tengja fyrirtækið við lífstíl ungs fólks á framabraut, sem erlendis eru stórnotendur almenningssamgangna.

Eitt klapp og af stað

Senn koma gólin! Jólahvuttar Símans léttu landsmönnum lundina á aðventunni í einstaklega hlýlegri herferð undir ljúfum tónum Ástarsælu. Frábær byrjun á jólatíðinni með sætustu hvuttum landsins, Snark og Símanum.

Jólaævintýri með Símanum

Árlega leggur Krónan upp með að auðvelda fólki lífið í aðdraganda jólanna undir merkjum „Ekkert ves í des”. Jólin 2021 var ákveðið að taka töfra jólanna enn lengra og færa tvö strætóskýli í algjöran hátíðarbúning.

Piparkökuskýli

Krónan einfaldar viðskiptavinum sínum lífið í amstri jólanna og minnir okkur á að það þarf ekki að vera neitt ves í des. Í jólaherferð síðasta árs ákváðum við að nýta töfra jólanna til að galdra fram gómasætan mat og minna á jólaandann. Allt í takt við skrítnu og skemmtilegu Krónuna sem við þekkjum og elskum.

Ekkert ves í des

Fáðu far á framandi staði með Storytel og Strætó. Nú má sjá álfareiðina, glæpavagninn og geimfarið þeytast um götur borgarinnar. Það er alltaf gaman að láta sér ekki leiðast með þessu geggjaða teymi!

Engin leið að leiðast

Hver kannast ekki við það að vera í strætó og gleyma veiðistöng? Ný en jafnframt nostalgísk herferð til að vekja athygli á því vanmetna starfi Strætó sem felst í umsjá með óskilamunum úr strætisvögnum bæjarins. Gersemar á gersemar ofan!

Óskilamunaður

Við elskum öll að gera góðan díl og mætti segja að það sé ein af þjóðaríþróttunum hérlendis. En kemur það einhverjum við hvaða tilboð þú nýtir þér eða hversu mikinn afslátt þú færð? Fríða, fríðindakerfi Íslandsbanka, veitir þér afslætti án þess að þú þurfir að biðja um þá. Það er bara milli þín og Fríðu. Einmitt þar liggur kjarni nýjustu herferðarinnar Íslandsbanka, sem var matreidd á Tvist.

Fríða

Í nýjustu herferð TM var lagt upp með að telja í og þjóta af stað út úr kyrrstöðu tryggingabransans. Leiðarstefið var sú staðreynd að þegar fólk býr við öryggi þá opnast svigrúm til að lifa lífinu til fulls. Og auglýsingastefið er slíkt að það er ekki annað hægt en að eflast og komast í gír.

Það besta í lífinu

Flott raftæki hafa mikið aðdráttarafl og í augum sumra eru þau reyndar alveg ómótstæðileg eins og sjá má í nýjustu herferð ELKO. Þar snýr fullorðna fermingar- og jólabarnið Siggi aftur í öllum sínum galsa og í þetta sinn fylgjumst við með samskiptum hans við nýju nágranna sína sem rétta honum litla fingur og hann tekur hér um bil heila þvottavél.

Grannarnir

Það er kannski ekki alltaf hægt að stóla á að veðurguðirnir sem vaka yfir landinu ræsi sumarið á réttum tíma – en um leið og við drögum fram grillið, skrúfum brennarana í botn og hækkum í hljómlistinni þá sumrar í hvelli. Er sumarið kannski bara fyrst og fremst fílingur?

Kveikjum á sumrinu

Það er fátt eins heiðarlegt og sölumaður sem þekkir vörurnar sínar út og inn. Dæmi um slíkan er hann Siggi hjá Skaganum 3X sem hefur ferðast um allan heim til að selja lausnir á sviði frystitækni og öðlast gælunafnið The Polar Bear. Þegar kom að því að gera alþjóðlega herferð fyrir Skagann kom því ekkert annað til greina en að leika sér með ímynd Ísbjörnsins og fá hann til að fræða fólk um frystilausnir og heimalandið lengst í Norður-Íshafi á laufléttum nótum.

Cold Facts

Ný heimasíða TM er afsprengi TM, Kolibri og TVIST þar sem okkar framlag fólst í hönnun. Hönnunin tók mið af nýrri ásýnd sem við höfum unnið að fyrir TM, lagt var upp með einfaldleika og léttan húmor til mótvægis við flækjustig trygginga og í því skyni mótuðum við til að mynda nýjan teiknistíl og sérteiknuðum efni fyrir vefinn. Teikningarnar eru skalanlegar eftir þörfum hvers miðils fyrir sig til að auka sveigjanleika TM í stafrænum miðlum og jafnframt fjölærar fremur en bundnar við tilteknar herferðir. Og viti menn, verkið var tilnefnt til SVEF – íslensku vefverðlaunanna sem og FÍT-verðlaunanna.

Ný ásýnd TM

Í tilefni af afhjúpun á nýrri heimasíðu og endurbættri netverslun fór Lyfjaver þess á leit við okkur skapa nýtt útlit. Á heimasíðunni færðu apótekið heim til þín, svo við tálguðum trélitina og munduðum músina alveg villt og galið þar til úr varð grafíkheimur sem myndlýsir þennan kjarna málsins. Og er bara nokkuð kósí.

Nýr grafíkheimur

Við þurfum að rækta og vernda geðheilsu okkar jafnt og þétt alla ævi, rétt eins og með líkamlega heilsu. Á því grundvallast G-vítamín, ný herferð fyrir Geðhjálp sem varð til hér á TVIST. Sannur heiður fyrir okkar parta, upplyfting í ársbyrjun. G-vítamín eru lítil og létt geðræktandi heilræði sem birtast á forláta dagatali, sem var sent á flestöll heimili í landinu, sem og á gvitamin.is. Byrjaðir þú daginn á G-vítamíni?

G-vítamín

Hvað gefur maður þeim sem á allt? Alíslenska wasabirót, eins og sjálfur Siggi Hall bendir fólki á af elegans í nýjum myndböndum fyrir Nordic Wasabi. Herferðin, sem var unnin í rótsterku samstarfi við ljósmyndarana Garðar Ólafs og Ozzo, dró fram sparihliðar okkar í hugmyndavinnu og hönnun þar sem teikningar og íkonagerð tóku mið af rastinu í brandinu. Og lagði áherslu á meira rokk og rót um þessi jól!

Nordic Wasabi

Jólin eru heilög hjá flestum landsmönnum en það er svartur fössari líka, það er að segja, í hugum sumra. Til dæmis hjá fullorðna fermingabarninu Sigga, sem sneri aftur til leiks til að kenna landsmönnum að besta gjafakaupin á svörtum fössara og hámarka jólaandann í nýrri jólaherferð ELKO sem við sköpuðum með erkienglunum hjá SNARK og Audioland. Og nærðum jólabarnið í okkur um leið.

Fyrir jólabörn á öllum aldri

Þegar Reykjavíkurborg hófst handa við að endurbæta Tryggvagötu var okkur treyst fyrir því að fegra ásýnd framkvæmdasvæðisins. Það er einlæg skoðun okkar að mannlíf sé fegurra en vírgirðingar og því klæddum við girðinguna með speglarenningum og endurspegluðum mannlífið í orðsins fyllstu merkingu. Og tókum speglasjálfur á almannafæri sumarlangt.

Endurspeglum mannlífið

Bjallan glumdi, komið var að fyrsta tíma á nýju skólaári og því ekki seinna vænna að setja nýja Þrennuherferð í loftið. Að þessu sinni fékk einlægni að eiga sviðið. Við hleyptum aukinni birtu inn í myndheiminn og hófum til himins sterka karaktera sem sátu fyrir í eigin fötum. Og eignuðumst nýjar tískufyrirmyndir.

Þrenna '20

Við þekkjum flest að eiga gjafabréf sem gleymist ofan í skúffu og rennur út. Það er orðið að glataðri gjöf. Gjafabréf sem gefin eru í YAY appinu geta hins vegar hvorki týnst né gleymst. Til þess að benda á þessa augljósu yfirburði var ákveðið að fara í herferð gegn „glötuðum gjöfum” og byrja á því að kaupa til baka útrunnin gjafabréf til að vekja umræðu og fjölga notendum í YAY. Er ekki bara YAY fyrir því?

Ekki gefa glataðar gjafir

Akstursþjónusta fatlaðs fólks og aldraðra ók undir merkjum Strætó í um fimm ára skeið — eða þar til Pant leit dagsins ljós. Hið spánnýja vörumerki og nafn akstursþjónustunnar var skapað innan veggja TVIST með það að markmiði að endurspegla umhyggju og valdeflingu notenda ásamt því að skutla ásýnd þjónustunnar inn í nútímann. Og að fækka stafbilum í nafninu um heilan helling.

Pant mörkun

Fyrir Hinsegin daga 2020 fékk Strætó þá hugmynd að tileinka vagn úr flota sínum baráttu transfólks á Íslandi. Við gangsettum hugmyndavélina og skömmu síðar var Transvagninn kominn á fulla ferð. Það skiptir máli að fyrirtæki á borð við Strætó taki afstöðu með mannréttindum og því var jafn gefandi og það var gaman að hanna vagn sem keyrir um undir merkjum víðsýni og kærleika. Og fræðast sjálf um leið.

Nóg pláss fyrir öll kyn

Hugarsmíð og hönnun TVIST, uppskrift frá Serrano, hægeldaðir í helvíti, kryddaðir af kölska sjálfum. DJÖFLADROPAR. Höndlar þú hitann?

Djöfladropar

Í ársbyrjun 2020 var fjölmargt hrifsað af okkur fyrirvaralaust. Skyndilega varð okkur ókleift að ferðast, fara í sund eða jafnvel bara að faðma fjölskyldumeðlim. En ef það er eitthvað sem aldrei verður hægt að taka frá okkur sóldýrkendunum á Íslandi þá er það sumar. Sumarið er okkar, sumarið er þitt. Þannig hljómar grunnstefið í sumarherferð Símans þar sem við lögðum upp með að miðla andlegri bongóblíðu og jarðbundinni bjartsýni. Og hentum tjaldinu í bílinn og brunuðum til Ibizafjarðar.

Sumarið er þitt

Fermingargjafirnar í ár eru í allt öðrum klassa en fermingargjafirnar á tíunda áratugnum. Á því leikur enginn vafi. Það skyldi því enginn álasa ófermdum manni á fimmtugsaldri fyrir að ákveða að nú sé rétti tíminn til að fermast. Upp úr þannig þankagangi spratt hugmyndin að nýjustu fermingarherferð ELKO sem við sköpuðum ásamt einvalaliði fólks hjá SNARK og Audioland. Og prufukeyrðum feikn af fermingargjöfum.

Fyrir fermingarbörn á öllum aldri

Tölvuséníin hjá Premis leituðu til okkar til að fríska upp á ásýnd og merki fyrirtækisins, ekki síst í tilefni af flutningum í nýjar höfuðstöðvar. Við einsettum okkur að færa ásýnd þessa sögumikla tölvuþjónustufyrirtækis í nútímalegra snið með nýjum áherslum í litavali, letri, straumlínulögun í grafík og endurteiknuðu merki. Og vitum nú hvert við leitum ef tölvurnar okkar fara að segja nei.

Endurmörkun Premis

Það sumrar ekki á TVIST nema Krónan hói í okkur til að breiða út boðskap grillgleðinnar. Að þessu sinni vildi Krónan leggja áherslu á götubita og hvetja landsmenn til að krydda upp á hversdagsleikann með því að fara nýjar leiðir í framsetningu á grillmat. Þannig að við reiddum fram herferðarhugmynd með öllu tilheyrandi meðlæti. Og rifjuðum upp úr töfraþulur úr æsku.

Dass af töfrabragði

Ergo setti sér það markmið að vera hreyfiafl til góðra verka og hóf að bjóða sérstaka græna fjármögnun á betri kjörum fyrir allan græna pakkann — rafbíl, rafhjól og hleðslustöðvar. Til að vekja máls á því römmuðum við inn þá hugsun að þeir sem reiða sig á vistvænni ferðamáta eigi að vera stoltir af því. Og lékum okkur í stærsta bílakjallara landsins.

Græn lán Ergo

Á hverju ári eru landsmenn minntir á að það sé skynsamlegt að leggja fyrir. Á hverju ári fresta fjölmargir því um ár. Fyrir sparnaðarherferð Íslandsbanka ákváðum við því að gefa skynsemishyggjunni frí og undirstrika frekar tilfinningu — sjálfsþakklæti. Með því að leggja fyrir skapast um leið ástæða til að þakka sjálfum sér. Svo við réðumst í tökur með fyrirsætum sem geisluðu af þakklæti í eigin garð. Og máluðum netheima rauða.

Takk, ég

Með nýrri kynslóð tálgast samfélagsviðhorf til. Til marks um það má nefna að ungmenni árið 2020 eru um margt meðvitaðri en eldri kynslóðir, þau setjast stolt upp í strætó og láta á því bera á samfélagsmiðlum með skjáskotum úr Strætó-appinu. Í nemaherferð Strætó tókum við ungmennin og skjáskotin okkur til fyrirmyndar. Og hömpuðum litlu augnablikunum sem gera strætóferðir kósí.

Nemakort Strætó

Það er ekki hlaupið að því að ná í gegn á aðventunni en ein leiðin er að taka jólin mátulega alvarlega og vinna í krafti gleði. Því tókum við höndum saman við Krónuna og reyndum að vinda ofan af jólastressi landsmanna vopnuð fleygum frasa — möntru fyrir þá sem vilja einfalda jólin — og hressum myndskreytingum. Og héldum hversdagsleikann hátíðlegan.

Þegar Serrano kynnti okkur áform sín um tilboðsdaga skunduðum við strax með hugmyndina á verkstæðið okkar og reyndum að ramma hana inn af hagleik. Í innrömmuninni fólst einkum fersk sjónræn framsetning, nafn sem yljar og grípur sem og undirstaða til að treysta hugmyndina enn frekar á þegar fram í sækir. Innblásturinn sóttum við í upprunaslóðir matarins á Serrano — loftslagið, litina og stemninguna — til að hampa matargleðinni á Serrano. Og vorum sísvöng á meðan.

Hitabylgja

ELKO býður viðskiptavinum sínum 30 daga skilarétt á glás af vörum, sem er sjaldséð þjónusta hérlendis. Þjónustan er munaður fyrir hina valkvíðnu og óákveðnu, enda þýðir hún að hægt sé að prufukeyra hárþurrkuna heima hjá sér áður en metið er hvort hún sé sú eina rétta. Til að undirstrika kosti þjónustunnar sögðum við stuttar og léttar sögur af ungu pari. Og rannsökuðum kjörlendi þess í attenborísku ljósi.

30 daga skilafrestur

Á haustin falla laufin af trjánum, nemar fylla framhaldsskólana á nýjan leik og Þrenna tekur á sig nýja mynd. Í síðustu árgerð þessa áratugar af Þrennu einsettum við okkur að þróa og dýpka hinn dularfulla heim hennar enn frekar með þeim afleiðingum að hann komst í þriðju víddina. Og hvað er meira viðeigandi en að Þrenna sé þrívíð?

ÞRENNA '19

Verkefni Strætó fyrir Hinsegin daga 2019 var tileinkað þeim sem ruddu brautina og veittu öðrum innblástur í réttindabaráttu hinsegin fólks. Með það fyrir augum hönnuðum við heilmerktan vagn sem skartaði þekktustu andlitum baráttunnar og skrifuðum fræðandi færslur fyrir samfélagsmiðla. Og smituðumst af baráttugleðinni.

Andlit baráttunnar

Tvistarar voru þess heiðurs aðnjótandi að fá að vinna verkefni með Kajak-kónginum honum Tomma. Ástríða hans fyrir kajakferðum og lúxus af öllum sortum er sannarlega smitandi. Allt var þetta gert til að kynna fyrirtækið hans, Kajak & Lúxus, sem leikur stóra rullu í þáttaröðinni Venjulegt fólk sem birtist í Sjónvarpi Símans Premium. Ef það er ekki óneitanlegur lúxus þá vitum við ekki hvað er lúxus. Og munið að tilkynna skelfiskofnæmi!

Kajak & lúxus

Enski boltinn kenndi okkur Íslendingum að elska fótbolta og hefur enn fremur límt saman íslenskar fjölskyldur í marga ættliði. Við ölumst upp við að styðja tiltekið lið og klæðast jafnvel Liverpool-samfellum eða sjúga United-snuð strax í vöggu. Þess vegna kappkostuðum við að fanga þá tilfinningu í herferð fyrir hina nýju vöru Símans, Enska boltann, og fögnuðum fegurð boltans. Og stofnuðum loks TVIST Ham United.

Nú er boltinn hjá þér

Síminn Pay stóð frammi fyrir spurningunni um hvernig vörumerkið gæti skorið sig úr glás af greiðslulausnum. Við klóruðum okkur í hausnum, spurðum stórt og ákváðum loks að telja í og tefla fram léttu, litríku og líflegu yfirbragði. Útkoman var smá flipp. En að sjálfsögðu fágað flipp.

Síminn Pay Léttkaup

Það fegursta við skemmtanalíf Reykjavíkur á sumrin eru hinar björtu nætur. Með það að leiðarljósi ræstum við herferð sem hvatti einkum partíljón bæjarins til að nýta sér næturakstur Strætó í sumar. Og mála bæinn rauðgulan.

Næturstrætó

Jafnt í logni sem lægð má alltaf finna ástæðu til að grilla, svo lengi sem grillviljinn er fyrir hendi. Þetta er ekki aðeins eitt af aðaleinkennum íslensku þjóðarsálarinnar heldur einnig meginstefið í sumarherferð Krónunnar í ár. Okkar hlutverk í grillpartíinu fólst einkum í að leggja höfuð í marineringu og reiða svo fram vel kryddaða herferðarlínu og eldhressa hönnun. Og reyna að telja upp að grilljón.

Við ræktum vörumerki

Það þarf alltaf að vera

eitthvað Tvist

Hefur þú áhuga á samstarfi?